RubberBand 尾場三度Encore為港人打氣 泥鯭:「幾難嘅路都一齊行落去」
2021-04-07 11:30 
一連4場《RubberBand Ciao 2021》紅館演唱會，昨晚來到尾場，田蕊妮、許廷鏗、卓韻芝夫婦、組合C AllStar的釗峰及On仔捧場。主音6號對演唱會感到不捨，當他送別樂手時，感觸落淚，獻唱最後一首歌《Ciao》，6號忍不住再度痛哭，場面感人。
最後一晚輪到鼓手泥鯭Solo，他自認是隊中的「口水佬」，笑言不想成為首位開band show因話太多超時被罰錢的人，之後又自嘲年紀大，未知下次會否再有機會開騷，想好好記住今晚的畫面，所以他沿着台邊，向觀眾「流水式打招呼」，行勻整個四面台。
今次演唱會以「散聚」作主題，泥鯭在台上感觸表示：「身邊嘅人走吓一個，走吓又一個，同個騷一樣沉重，但其實諗真啲並唔沉重，至少我哋仲生勾勾，身邊仲有親友加『同路人』互相扶持，無論幾難嘅路都可以一齊行落去，所以面對『散』唔使太傷感。」
對於演唱會來到最後一場，泥鯭續道：「當大家聽日回歸正常生活，但其實香港冇乜正常生活，即使冇乜正常，都要懷住珍重嘅心去迎接每一次聚首，咁先可以瀟灑面對每一次別離。」當他唱畢《你會有一天學會面對》後，高呼：「香港人！」觀眾即接力：「加油！」到了Encore部份，6號為香港年輕人打氣，並感謝老婆兼填詞人Tim Lui為RB創作多首好歌。最後RubberBand三度Encore，唱出《你和我》、《夏令時間》、《Easy》、《Simple Love Song》及《Ciao》，演唱會於11時28分圓滿結束。
最新回應