鄭俊弘冇熄火出門險生意外　何雁詩家中熟睡：係咪想要遺產

鄭俊弘（Fred）與何雁詩（阿詩）今日以夫妻檔接受電台訪問，談到節目主題為瘀事，阿詩自爆曾於車上換裙後未扣鈕，結果下車時裙子整件滑落，當時在街上亦冇打底，若被發現相信會被指出位，她續笑道：「做人妻後最烏龍都係火燒廚房，搞到廚櫃有煙燻痕跡。」至於Fred最烏龍是煎蛋後未熄火便出門，當時阿詩在家睡覺，事後才告知他，更笑問他是否想要遺產！

早前約滿星夢的Fred又稱，與無綫高層樂易玲有藝人合約，會交由對方去傾，暫時未有任何公佈，但相信不會簽回星夢。同樣回復自由身的阿詩透露下周出新歌，還稱今次一腳踢，視新歌為「親生仔」，她說：「以前唔知歌係點打造出嚟，最辛苦係行政工作。（會否簽約唱片公司？）最重要係大家風格夾，也願意投資。（星夢有找你？）係好初步傾談過。（會同老公簽同一間公司？）冇必要，也未有方向。」