【維港會】小四女童隨父親入男廁惹議 網民批留下壞榜樣

當小孩子去廁所時總要有家長陪同，不過有網民表示日前到商場男廁時，竟發現一名年約9歲的女童在內。網民批評指，女童年紀較大應可自行到女廁，不應跟隨父親到男廁，批評這種行為會為女童留下壞榜樣。

事主於FB專頁「生仔要考牌系列」投稿，指昨日到又一城商場廁所，如廁後卻發現一名年約9歲、身穿校服的女童站在廁格外，「妹妹嘅老豆就啱啱屙完尿過嚟洗手，同時間佢隔離就有幾個大叔喺尿兜小緊便」。事主對此大感愕然，認為以女童的年紀不應進入異性廁所。

事主本以為是父親因擔心女童的安危，所以帶同女童進入男廁。但一出廁所門口，卻發現女童大喊「媽咪」並奔往母親的懷裡。事主直斥既然母親在場，就應該跟隨母親到女廁，而不是隨父親到男廁，「個妹妹已經大個，行得、走得、跑得，咁樣入異性廁所唔單止對喺廁所入面嘅人感到尷尬，若然個小朋友認為係無問題，留下壞榜樣仲麻煩」。

帖文引起網民的熱議，有網民認同事主的看法，「真係有問題。個啊媽都係到，仲要個女跟啊爸入男廁」。不過亦有網民指出另一個可能性，「會唔會係小朋友忍唔到，女廁又大排長龍？」、「如果個女好急女廁勁排嘅都無計」。

亦有網民分享指曾遇過同樣的情況，「我見過成年女人拖住個8/9歲既男仔排女廁，我叫佢去男廁，佢話佢咁細洗唔洗咁介意呀」、「見過啊媽帶男孩入女更衣室被其他人問時，男孩說11歲，連小朋友都尷尬說自己可以去男更衣室，但阿媽即時說截住說自己去換衫危險.....最後嘈到嗌要報警，阿媽先拖返個仔出去」。

資料來源：FB專頁「生仔要考牌」