聞5歲女童虐殺案落淚　趙頌茹：小朋友要學識保護自己

趙頌茹（阿Yu）今日出席《國際極光藝術展—2021以光之名》，阿Yu表示睇北極光是人生三大願望之一，原本前年跟女性朋友同行去睇北極光，但因疫情關係而取消，亦很期待疫情完結後可以去，她說：「因為要駕車，我同朋友都冇車牌，於是叫朋友考完車牌先再去，等疫情完結，希望可以去啦！」阿Yu更透露疫情影響令收入減少一半，幸早前也有接拍美容廣告，但她表示要照顧兩個女兒，故遇到適合的劇本才會接拍。

另談到5歲女童虐殺案，作為母親的阿Yu，坦言睇到新聞時也不禁流淚，認為小朋友好無辜，她說：「我唔會唔畀兩個女睇這類新聞，反而要她們知道個世界發生乜事，個女睇完扁晒嘴，我會話畀佢哋聽唔一定爸爸媽媽係好好同正常，有時人都會受情緒影響，所以要保護自己，大家身邊都有欺凌事件。」