爆古天樂搞爛Gag拉近距離　古力娜扎落雪拍落水戲凍病

2021-04-21 21:30

由周顯揚執導兼監製的新片《真．三國無双》將於本月29日在港上映。戲中，飾演「貂蟬」的內地女星古力娜扎，之前跟「呂布」古天樂（古仔）遠赴紐西蘭取景，拍攝湖邊初遇、一見鍾情的戲份；未料巧遇當地突然落雪、天寒地凍，戲服單薄的娜扎仍堅持拍落水戲，結果翌日病倒，但能夠拍出雪山冰湖唯美畫面，她表示：「再辛苦也值得！」談到首次與偶像古仔合作，娜扎坦言：「初時有壓力及緊張，幸古仔主動講冷笑話，拉近了大家的距離。」

至於飾演「貂蟬」義父「王允」的秦沛（Paul哥），從影逾半世紀，今次拍攝竟有點緊張，原來Paul哥對上一次接古裝片已是2009年，由於他好欣賞周顯揚導演，故相隔12年，今次破例參演古裝片，身在內地的Paul哥笑道：「喺拍呢部戲之前，我好耐冇拍過古裝片，所以喺拍嘅時候，多多少少有啲緊張，因為唔知自己演成點樣。」