被何廣沛取笑好心急　李佳芯唔介意姊弟戀： 想搵個18歲

李佳芯（Ali）和何廣沛今日現身主演劇《愛美麗狂想曲》宣傳活動，席間大會宣佈4月15日播出的第19集，在七天跨平台總收視達26點，成為今年一線劇收視之冠！問到如何慶祝？何廣沛笑言「有大食大」，Ali表示：「估唔到，因劇集之前喺OTT平台播過，呢個只係暫時最高收視，可能陸續有嚟。」

劇中，何廣沛爭不到Ali輸給陳豪，問到會否想下齣跟Ali發展戀情？他笑道：「劇中已得到過，之前我提過想拍外傳，同佢瘋狂發展姊弟戀。」問現實中可接受姊弟戀？Ali說：「冇諗過，但呢個年紀有咩唔可以？戲劇都出現過，如果真係發生都唔係想像中咁恐怖。（是否歡迎小鮮肉追求？）要睇幾細，16歲唔可以，因唔想犯法。」語畢即被何廣沛取笑諗得好深入，更嘲對方「姐姐好心急」，Ali反駁：「證明我對感情認真會諗將來，觸碰法律就有啲驚。（26歲又如何？）年齡唔係問題，最緊要溝通到，我都想搵個18歲，若溝通到證明我的嘅思維都係18歲。」