帶埋家人去海南島做商演 陳曉東畀個女嚇親又笑死
2021-04-30 16:00 
45歲的陳曉東今晚會喺位於海南島嘅海花島做商演，因為屬渡假區，所以東東一家四口前日已到達玩幾日先開工，不過一到埗就見血，囡囡唔着拖鞋周圍跑搞到腳趾尾受傷流晒血，老竇要即刻孭個女去醫院打破傷風針，好彩只係皮外傷唔使縫針，東東仲識講笑，話孭女嘅感覺好狼狽，仲話覺得好似見到老咗嘅自己，最後佢諗起細個嗰陣跌穿頭佢阿媽都係咁孭住佢喺街上搶車。
小朋友復原得好快，雖然只得一隻腳可以落水，但都無阻囡囡玩水，東東同另一無受傷囡囡喺渡假屋嘅私人泳池着晒水泡浸水，受傷囡囡都唔寂寞，同爸爸玩洗頭，見東東成頭泡好好笑，囡囡都玩到狂笑，畫面都幾有趣。玩咗三日，今日終於要開工，東東Po咗綵排相話今晚見，Hashtag係海花島第一猛男，唔係講佢自己卦?
關鍵字
最新回應