【維港會】表弟屢考DSE落第拒讀副學士 網民無奈：點樣令佢醒覺？

學生總是期望能考上心儀的大學。有網民近日在討論區上分享指，其表弟已第3次應考文憑試（DSE），前2次均成績不佳，惟他不願放棄，不肯報讀其他課程，又從來沒有吸取教訓，仍然懶散不願溫書，令該網民心感無奈。

該網民於「香港討論區」發文指，其表弟第一次考DSE時只有7分，當時大家勸他不要重考，改報讀職業文憑課程，早早投身社會。惟表弟不願放棄，堅持重考。去年重考結果只有11分，「根本無好過，佢又話呢啲叫進步」。

樓主透露，雖然表弟一直稱想考上大學，但平日一有時間只顧「打機」、玩樂，直至開考前3個月才開始溫書，令樓主大感無奈，「真係考得好嘅人係考之前兩三年已經溫緊書」。樓主又表示，表弟每次都利用不同藉口以掩飾落榜的事實，「一時又話貼唔中題，一時又話身體唔舒服」，藉此逃避現實。

樓主坦言，認為表弟今年重考表現不會有大突破，曾勸他先讀副學士再升上大學，「好過日日喺屋企書唔溫，嘢又唔做」。表弟不願妥協，「佢就話一定要考上大學先得」，樓主遂向網民詢問，「點先可以令表弟認清事實？」

帖文引起網民熱論，有不少網民指表弟已是成年人，籲樓主不應過於執著，交由他自己決定，「你已畀咗意見，佢咁大個人自己決定將來想點了」，「又唔係自己細佬，不用太上心」。

有人建議樓主可向表弟分析，指花2年重考，已可以完成1個副學士學位，更大機會可升上大學。樓主亦回應指，曾試過與表弟溝通，惟表弟的母親要求高，「由細同佢講考到大學先叫好」，忽略兒子的能力，「仲要成日問我點考到大學，叫佢溫書佢又唔肯，成日以為有捷徑」。

資料來源：香港討論區