【母子情深】坐完月急不及待陪兩子去玩 胡杏兒陳敏之獲囝囝獻吻甜到入心

胡杏兒上月誕下第三子李奕宏（Liam），杏兒啱啱坐完月即急不及待出關，日前她和老公李承德帶著兩個兒子奕霆和奕霖到主題公園遊玩提早慶祝母親節，因為細仔奕宏只有一個多月大，今次就未有同行，同行的還有李承德的媽媽和陳敏之一家人，大人細路玩得相當開心，囝囝們更乘機親親媽咪，母子情深。

杏兒嘅老公當日負責照顧兩個寶貝仔，相當忙碌！相中可見兩個哥哥玩到身水身汗，最後更要坐在BB車上休息，期間李承德更獨自推著兩架BB車，難怪好友陳山聰笑他是被玩的一個，但李承德指為慶祝母親節都冇計；林子善則指哥哥奕霆玩到冇晒電，李承德就回覆：「應該係老竇畀阿哥同細佬玩到冇電。」杏兒今天喺IG貼上由囝囝親自製作的母親節禮物，雖然只是DIY的小手作，但足已令她甜入心。