不忿被重提「咖喱事件」再開火　吳若希約網民返TVB當面對質

向來語出驚人的吳若希（Jinny）不時與網民開火，近日其獨照被某農莊上載到社交網，感激她與家人到訪，未料引來Jinny不滿並留言：「相片未經授權公開，請盡快移除。」此舉隨即被網民炮轟「以為自己大明星」、「好大官威」等，Jinny反擊稱涉及廣告成分，後更公開網民頭像怒斥：「如果所有私人相片都可以不需經過本人同意而公開，咁我而家公開你張相都可以？」

事件繼續發酵，近日撈過界做YouTuber的Jinny，昨晚於社交網上載與老公拍攝的新節目《相敬如賓週》，兩公婆於片中大鬥廚藝，惟有網民卻「踩場」聲稱彼此見過面，更重提「咖喱事件」黑歷史，該網民於Facebook留言：「咖喱！好耐之前起（喺）聲雅廊你坐過我，以前你啲枚好屎啦，不過飲酒就唔賴皮都算幾好玩！幾時有機會再同你劈過？」Jinny即回覆寸道：「唔識你？你邊位？」

及後該網民繼續狙擊：「你見到我就知道！之前成日落去搵你玩。」Jinny見狀亦不甘示威說：「我聽日返TVB，大概中午12點收，聽日見，PM我你電話。」該網民再留言：「而家你巴閉啦！大明星仲識得我咩？電話又改埋……」Jinny即爽快私訊對方相約於TVB見面，她續寫道：「如果你想參觀埋電視城，畀埋你身份證同全名我，我幫你報上公司。」不過該網民拒絕赴約，僅給予她貼士：「我以前成日寸你個名『咖喱雞』，之後就鬧我隊我飲，咁樣你記得啩。」然後Jinny就再沒回覆。

早於Jinny出道初期，有報道指她曾以「咖哩」之名在尖沙咀聲雅廊做夜場，雖然她已多次否認，但仍受到不少網民狙擊。對於網民追問可有於聲雅廊做過？Jinny再次留言否認：「無喎～講咗咁多年都仲講？！」