《無聲絕境II》新預告面世 最強阿媽艾美莉賓特帶仔女亡命避異獸

18年上映的《無聲絕境》全球大收3.4億美元(約26億港元)，成功用刀仔鎅出一片森林，開續集是必須的，但因疫情影響《無聲絕境II》不斷延期再延期，香港最新映期為6月10日。

香港版最新預告今日見街，上集一家之主即導演約翰卡辛斯基（John Krasinski）為保護家人壯烈犧牲，艾美莉賓特（Emily Blunt）飾演嘅超強阿媽孭起重任帶住三個仔女繼續逃生。最新預告見到死剩種為了生存必須遷離舊地勇敢踏出安全區域，當然危機重重，但最重要嘅係透過聲音嚟狩獵嘅外星生物唔係死剩種嘅唯一威脅。