【亞視一姐】重返拍劇樣貌行頭升晒呢 麥明詩頻換私伙名牌袋做道具
2021-05-21 17:24 
29歲的「十優港姐」麥明詩（Louisa）喺TVB期間唔算受重用，2019年11月時無癮地淡出娛樂圈，與無綫改簽「一年一騷」嘅綠葉合約，全職做商業顧問，喺台灣逗留咗一段時間。直至淡出TVB後，播出她最後劇作《殺手》，劇中她飾演閻武（黎耀祥飾）視障女兒閻素之，喺祥仔帶領下演喊爆場面感動到觀眾，就連亞洲心動娛樂（AMM）開拍網劇《逐流時代》，該劇監製兼導演戚其義欽點搵她做「女一」，覺得劇中向上爬嘅「心機女」角色非她莫屬，最後由亞洲心動娛樂副總裁林文龍向TVB借將撮成好事。
不過，今次麥明詩重返拍劇變身「亞視一姐」除咗身份唔同晒外，行頭及外貎都有明顯進化。向來鍾情名牌嘅麥明詩連拍劇都要出動私伙名牌袋，之前手挽Hermes嘅 Mini Kelly bag開工，而呢個金扣舵鳥皮來頭不少，炒價要20萬港元，即使係專屬會員肯配貨都未必買得到。直至日前她再喺IG出post再豪晒靚袋，留言：「A different me(與眾不同的我)」原來已換上了另一個 Kelly bag「道具袋」，呢個「特別綠」加埋金扣舵鳥皮組合真係不得了，身價更勁，炒價要28萬，要想擁有，更加難上加難。Louisa喺IG出靚相post後，識睇嘅網民梗係睇重點，焦點落喺個貴價袋度，留言：「個重點係個手袋$1480000，點解十優咁多年都係睇唔到同其他女性嘅分別嘅...」「手袋好搶眼」、「人和袋都靚」、「鴕鳥皮不得了」當然唔少網民大讚她今次重返比以前索咗好多，個樣唔同晒，而且同傳過整容嘅謝安琪(Kay)撞樣，又話佢多咗唔少成熟韻味，騷在骨子裏...
最新回應