誕6.5磅囡囡同爸爸一個餅印 余香凝：終於明白咩叫心肝寶貝

27歲余香凝在社交網貼上與老公跟B女3手互牽照，宣布女兒Clare出世了！余香凝喜悅說：「好開心好開心BB健健康康出咗世啦！因為擔心佢體重，最後一次產檢，兩星期前都係5磅半，出世時有6磅半，所以自己係好開心，一路以嚟食咁多長胎嘢真係冇白費到！」
余香凝大讚Clare靚女：「BB係似足爸爸，一個餅印，亦都好靚啦，已經有眼眉毛，因為自己最擔心BB女會唔會好似我咁眉毛好少，覺得女仔有眉毛好靚，結果似爸爸好多眼眉，然後眼睛好大，所以好可愛。佢都好乖，醫院咁多日，好配合媽媽快啲有母乳，自己喺醫院冇話瞓得好多，自己3個鐘頭起身一次，同佢一齊努力嘗試，然後好快成功，又冇亂咁喊，淨係肚餓先喊，所以好乖。好多老人家都話唔好讚，讚壞，我覺得真係要嘉許一吓佢。」
提到正式當媽後跟以前心境不同之處？余香凝說：「終於真正明白咩叫心肝寶貝，當佢一喊就會好擔心，佢有一次喊自己都跟埋喊，覺得死啦係咪有啲咩唔舒服，好多朋友話放鬆啲啦有排擔心成世㗎，自己知Feel到成世擔心感覺，真係要好好愛錫媽媽！」

另外，余香凝在社交網留言：
Welcome home baby Clare 💕
別人說小孩子不能讚，會讚壞
但容許我在這裡讚一讚
要讚讚 寶寶最後體重6.5磅
沒有浪費媽媽狂食長胎食物而胖了好多的心血
再讚讚 寶寶非常配合 兩母女合作無間
在大家的努力下
剖腹產第三天就上奶了😎
可以喂母乳喂到飽
也都要讚讚爸爸一直在身邊陪著媽媽 服侍媽媽
雙眼袋都出來了

寶寶
以後只要妳健康開心媽媽就滿足了
這世界沒有東西比妳更重要
愛妳