【Juicy叮】不滿毛孩搭車流口水 電召貨車司機開熱風兼吐口水報復

香港大部分公共交通工具都嚴禁動物上車，狗主要帶毛孩外出遠處遊玩實屬不易。有網民近日在社交網站發文，分享一次帶同愛犬乘搭電召貨車的不偷快經歷，引起網民熱論。

該則帖文近日在多個Facebook群組瘋傳，指一名女狗主於上周四（20日）帶同一隻阿拉斯加犬及一隻摩西犬乘搭電召貨車，前往距離約10分鐘車程的寵物店洗澡。上車時，阿拉斯加犬按平日習慣坐到座椅上，貨車司機見狀隨即出言喝止，狗主當刻立即把狗狗拉回腳邊，亦不讓牠們的手腳觸碰到座椅，惟司機仍感不滿。

乘車期間，狗主感受到車頭傳來一陣熱風，「熱到我個人都覺得焗，何況係我隻狗。我諗住10分鐘路程，算喇」。到達目的地附近一個轉彎位時，碰巧遇上塞車，狗主見司機不停望向狗狗，便主動提出就此下車，以100元繳付全程95元的車費，並抹走愛犬滴下的口水就準備落車。

下車前，司機突然叫停狗主，又要求她再次清潔座椅。狗主遂抽出3張紙巾清潔座椅，但司機不滿地表示「唔使喇，我以為你有濕紙巾」。狗主對司機多番刁難感到不滿，在下車前好聲好氣地拋下一句「下次如果唔鍾意寵物你就唔好車喇」，怎料意外辣㷫對方，司機反斥狗主下車時大力關車門，更窮追不捨，特意停車追罵狗主：「你養埋啲咁嘅畜生，佢流晒口水我都冇收你清潔費啦窮X！」。狗主聞言後「呆一呆」，其後就反駁指「流口水收咩清潔費，佢又唔係嘔」，司機不滿反駁：「就係當佢嘔」。

二人口角僵持不下，期間司機更向狗狗吐口水，令狗主氣得「即刻拎返抹完口水嗰張紙巾，扔返喺佢塊面」。狗主事後記下了涉事貨車的車牌資料，並嬲爆表示「佢吐口水落我度，可能我都唔會咁嬲，但佢鬧我隻狗畜生，我真係忍唔到。我唔係拖住兩隻狗，我真係車巴佢」，又指已向貨車公司投訴，但就遭職員反問是否肯定對方為該公司旗下的司機。

不少網民看完帖文後，都認為客人在電召時應已註明帶同寵物，涉事司機若感抗拒，大可拒絕接單，而非接載時刻意刁難，「冇愛心、討厭動物就咪接order 啦！」、「佢有權唔載但無權鬧人同吐囗水喎」、「明知有毛孩佢有權唔接喎，無人迫佢接㗎」，另外亦有網民就建議事主報警備案，指「襲擊罪包括吐口水」。