被七師傅爆一早睇中娟姐　肥仔驚爆同拍拖8年女友分手

所謂人紅是非多，繼人氣組合MIRROR成員呂爵安（Edan）捲入出軌風波後，近期憑ViuTV節目《ERROR自肥企画》爆紅的ERROR隊長肥仔（梁業）也爆出「分」訊！跟肥仔拍拖近9年的圈外女友阿芬，昨午於Facebook發帖文宣佈分手消息，她寫道：「對不起，我已和Leung Yip分開了，最近收到好多大家對我地（哋）既（嘅）祝福，我們會將一一轉化成鼓勵。因了解而分開其實也算是在感情路上最好的結果，我倆彼此也會在心裏互相好好祝福，希望大家繼續支持他，支持ERROR，讓他們為香港人煩惱繃緊的生活帶來幽默。」對此，肥仔方面仍未有回應，一眾粉絲則紛紛在其社交平台留言打氣。

肥仔與初戀女友阿芬在舞蹈學會認識，2018年殺入《全民造星》總決賽時，阿芬也有到場為男友打氣，非常甜蜜。而早前接受陳志雲訪問時，陳志雲笑言免費做肥仔的婚禮司儀，當時肥仔僅答：「好勁嘅助攻，好進擊！但我過唔到自己嗰關，希望事業有成先結婚，現在還可以，但希望可以再好啲。」然而分手消息曝光後，有網民即翻摷著名風水師七仙羽（七師傅）上《晚吹─今晚有酒吹》時，稱打算撮合主持人練美娟（娟姐）和肥仔，更大爆：「肥仔留意咗你好耐，見到你覺得你幾好，肥仔都有意思，因為肥仔嘅搵錢能力高﹗」估計七師傅早已獲悉肥仔分手一事。