《好聲好戲》總決賽壓力大爆喊 馮盈盈被王祖藍質疑唔適合演戲

TVB綜藝節目《好聲好戲》昨晚播映總決賽第一回，三位出線者馮盈盈、陳自瑤(YOYO)及張振朗同台較量爭奪「傑出聲演」總冠軍殊榮，當中馮盈盈聲演《巴不得媽媽》中「阿姐」汪明荃和乖孫對話的經典感人場口，聲淚俱下跟畫面配上對白， 投入到配音期間已忍唔住喊，配完音仍繼續流眼淚非常誇張。

配音員評判已評盈盈感情過度澎湃唔識控制，然後王祖藍畀紅燈認為她唔合格之餘第一句就疑惑盈盈「適唔適合做呢行」，因為他知道盈盈錄節目的早上已開始喊，喊到做節目前都仲喊緊，搞到冇人敢埋佢身，直言投入雖好但抽離不到就很大問題， 否則怎演戲?認為她是壓力蓋過實力，壓力大到連祖藍都覺得好大壓力，盈盈也認同自己情緒太強烈。