《造美人》參賽者被Mean精搞喊

ViuTV另類選美節目《造美人》下周一播出，首集內容圍繞初賽遴選，專業團隊挑選出16位參加者進入第一輪淘汰賽。其中話題十足的1號參賽者芷橋作自我介紹時說 :「自己呢幾年花喺外表嘅費用高達30至40萬，當中包括gym、箍牙、割雙眼皮及隆鼻。」被問到為甚麼整容？芷橋指：「之前遇過一個男仔，我同佢係性格上好夾，但佢最後都唔得，係因為我唔夠靚，唔夠瘦，以前我喺大學嘅時候已經俾人欺凌，就係因為我嘅外表唔得。」大會亦安排了一班「Mean精」評論每位佳麗樣貌身材，目的為測試她們的心態是否強大。一班「Mean精」評論芷橋： 「一定有整容、整容失敗樣嚟㗎喎、屯門公園嗰啲、肚腩好大、有妊娠紋、佢係有自信嘅……」其中一句有自信，令到芷橋在台上爆喊：「我真係好開心，有人話我有自信。」

任職空姐的5號參賽者Georgia，則自我介紹說：「皮膚唔夠白，眼唔夠大，鼻唔係高，依家最唔滿意係自己個鼻，曾經因為唔滿意自己嘅鼻型，去打透明質酸，因為溶解劑同第二支針撞咗，半邊鼻發炎，導致爛鼻，兩個月唔可以見人。」
第一集最後出場的參賽者6號OK傻大姐個性就令專業團隊哭笑不得，OK指：「我之前一直喺地盤返工，咁風吹雨打，日曬雨淋，搞到我塊面好多斑，想透過節目執返靚個人。」大懵的她自言不知道參加了選美節目，糊里糊塗就入了16強，令全場大笑。專業團隊評論若果要OK變做美人，基本上等於要做一架穿梭機的工程。