佗B八個月仍然好瘦 湯怡仲未透露生仔定女

今年2月，湯怡與排舞師麥秋成奉子成婚，話咁快前者個肚已8個月大，雖然第一次佗B，但湯怡佗得唔錯，手腳仲係好纖瘦，遮住個肚完全唔似大肚婆。

湯怡剛舉行了Baby Shower，她在IG貼出手拎粉紅及粉藍汽球的相片，「大家估男女都各佔一半，所以送呢張相俾你哋，Heheee。」究竟BB係仔定女?好明顯大賣關子。另一張相湯怡拎住「MOM」字嘅牌，睇嚟好期待做媽咪，最後湯怡更在問答上透露，目前懷孕已踏入第8個月，雙腳仍沒有水腫，而BB亦已經調頭，她更計劃剪短頭髮，恭喜湯怡懷孕之旅進入最後大直路。