【聲夢最強雙姝】姚焯菲甜美爆燈 鍾柔美跳唱大獲好評

TVB歌唱真人騷《聲夢傳奇》2位最年輕參賽者姚焯菲（Chantel）和鍾柔美（Yumi）均只得14歲，並愈戰愈勇。
上周六播出10強對賽的一集，Chantel獻唱的《戀愛預告》片段上載網站短短4天，已突破百萬點擊；其ig亦於數日內急增逾5千粉絲。Chantel這片亦吸引了原唱林珊珊眼球，珊珊坦言開心：「我身邊好多親戚朋友都喺度係咁聽同討論，話呢個妹妹好Sweet好可愛。無論邊個版本都好，都多謝大家咁鍾意陳百強嘅曲，鄭國江嘅詞，多謝Chantel令我哋啲Auntie變成少女。」Chantel受訪《東張西望》時稱現階段沒想拍拖，她抱著「情人」狗仔Baby說：「好多人都話首歌啱我唱，咁我就好勤力、好畀心機去練。」

其實當晚Yumi第一個出場跳唱Cookies的《心急人上》已大獲好評，雖然給後來Chantel演唱《戀愛預告》蓋過風頭，但Yumi的演唱片段點擊亦已突破30萬，獲網民大讚她的台風、唱歌技巧及感染力等。
Yumi酷愛跳舞，其ig不時上載跳舞片段。6歲已開始參加各大小比賽的她，參賽經驗超過100次。未知是否社會經驗比別人豐富，面對演出失準，Yumi亦有一套獨特的自勉理論：「我唔會喊，因為喊會浪費咗時間，我會正面啲諗，嗰日做唔到啫，可能下次做到呢，你唔知㗎嘛。」謙虛的她更謂無懼任何批評，但求做好本份。