【維港會】蜜瓜達人教揀日本靚蜜瓜

一講起日本美食，又點少得日本時令水果？夏天是蜜瓜當造季節，有蜜瓜達人就教大家點揀最甜美的蜜瓜！

北海道追分的朝日蜜瓜，產期由5月到10月，夏天時節是品質最佳。朝日蜜瓜糖度平均15度以上，最佳食用時間是等「T字柄」有少少枯，代表蜜瓜可以食用。建議用匙羹筆嚟食。

至於夕張蜜瓜，就分特秀、秀、優、良四個等級，夕張蜜瓜出名是果肉香甜，非常多汁，香氣濃郁。而一般慣常食用都是優和良級，甜度已達11度以上，性價比高。

另外，富良野蜜瓜甜度甚高，平均可達11至12度，再加上網紋好靚，是送禮之選，近年越來越受歡迎。

據蜜瓜達人所講，日本蜜瓜最佳食用時間是當蜜瓜由綠色變到見黃最理想，甜度最濃，瓜肉多汁可口。所以最好是將買回來的蜜瓜放在室溫，當開始變黃及想食用前2至3小時先放進雪櫃，之後才取出進食，冰涼甜美可口。

至於保存方法是切開一半，將果核全部清走，然後包保鮮紙放雪櫃存放，一般4至6日都可以。

他特別提醒，新鮮的蜜瓜，一般來說蒂部會比較硬身及堅挺及較為青綠色。另外，輕按蜜瓜底部，若底部較硬身，即尚未夠成熟，味道較淡；而底部略帶少許軟身的話，味道及成熟度會正最适中；若底部太軟，則代表可能過熟。

6月11日至13日UNY樂富及元朗店及Apita會有日本開季蜜瓜推廣，以優惠價發售。