【Juicy叮】丈夫稱呼女同事「BB」 人妻不滿：從來都無咁叫過我

職場文化各有不同，近有女網民於討論區發文指，其丈夫以要求女同事做事為由而稱呼女同事做「BB」，並解釋「班女要氹㗎」，更以辭職作威脅，因而引起該網民不滿，更提到丈夫亦從未叫過自己作「BB」。該網民遂詢問其丈夫的做法是否合理。

該網民於「香港討論區」訴說指，丈夫在上班時以暱稱「BB」稱呼女同事，稱是為了要取悅女同事，「班女要氹㗎，唔氹唔得㗎」，因而引起樓主的不滿。樓主反駁指，「咁你使唔使以身相許啊？人哋做經理都唔使咁做」。丈夫聞言即迴避問題，並以辭職作威脅，樓主坦言擔心丈夫辭職後，要獨自承擔債務，但直言他的做法有問題，「你有無叫過我做『BB』呀，無啊，呢啲係情侶稱呼㗎」，惟丈夫堅持，「叫人做事果陣先叫『BB』，平時無」，令樓主甚感無奈，遂向網民詢問，「點解叫同事做事要叫『BB』，唔叫就做唔到？又係我錯？」。

帖文引起網民熱論，有網民表示，樓主的丈夫只是「肉麻當有趣」，亦有網民表示暱稱於職場上亦十分常見，「職埸上好多新仔新女都叫『BB』」、「還好吧，可能係習慣性嘅」、「知唔知其他同事又點様叫同一個人？如果全公司都叫『BB』還好，反之則有問題」，亦有人認為丈夫疑與女同事有曖昧關係，籲樓主應小心。

資料來：香港討論區