【索返晒】搣走贅肉拍自家服裝品牌廣告 張栢芝分享踼走「孕肚」良方

張栢芝早前不時被影到肚凸凸屢傳懷第四胎，但為咗幫自家品牌服裝做廣告生招牌，她努力減肥Keep fit，今日她親自拍片介紹多套新款服裝，更換上貼身黑色小背心，身形玲瓏浮凸，小蠻腰都出返晒嚟。

之前張栢芝肚凸凸而瘋傳再度懷孕，栢芝馬上澄清是美麗的誤會，凸肚全因經常食螺絲粉做宵夜，並承諾會努力減肥。

今日栢芝喺社交網上載片段分享瘦身方法，她於晨早6時起牀做健身運動，她跟住健身魔鏡的運動示範做瑜伽和帶氧運動。穿上背心和緊身褲嘅栢芝肚子扁平，身形甚弗，她再做4分鐘Fast Burn極速消脂運動，並說不到幾分鐘就爆汗，笑言呢套運動非常適合食螺絲粉宵夜嘅人。手腳不太協調嘅栢芝被魔鏡提示她不要同手同腳，她即笑問:「怎知道我是同手同腳，你是否看過《乘風破浪的姐姐2》?」