【Juicy叮】新同事首日上班帶飯拒外出用膳 遭打工仔批不懂人情世故

職場文化各有不同，有網民於討論區發文指，其公司有新同事剛入職，惟第一天竟帶飯獨自用膳，拒絕與其他同事一同外出食飯的邀請，令場面非常尷尬。該網民感不滿，指對方不懂人情世故，「無禮貌」。

該網民於「連登討論區」發文指，有新同事剛入職，第一天上班時樓主邀請新同事一同外出用膳，卻遭對方拒絕，「佢就話帶咗飯」，令到場面非常尷尬。樓主無奈表示，「正常新入職就預咗同其他同事出去食飯，交流吓」，斥該新同事不懂人情世故，指對方「無禮貌」，「第一日出嚟社會做嘢？」，更大膽估計他應很快辭職。

事件引起網民熱論，有網民表示第一日入職應先理解公司的文化，認為新入職與同事食飯屬正常之事，「我覺得點都唔會第一日就帶飯，點都要睇公司有咩先得㗎」、「第一餐飯同同事食係好正常」，亦有網民不認同並直斥，「自己食飯權利都無? 出嚟打份工奉旨應酬你?」。


資料來源：連登討論區