【趕客feel】晒風癩紅豬腿好嚇人 江嘉敏藥物敏感搞到周身痕

江嘉敏早前在社交網站晒出一系列相片，化靚妝悉心打扮晒白滑美腿，悠閒嘆下午茶享受生活，但昨日她喺即時動態上載咗一張嚇人爛腿相，相中特寫住一撻撻又紅又腫嘅大腿，似足出「風癩」，她透露是藥物敏感所致。

江嘉敏出Post解釋因病缺席《明星運動會》，表示上星期見醫生，今星期又見醫生，原來早前她一口氣剝了3顆智慧齒導致面腫腫，相信是服食咗止痛藥，搞到有藥物敏感後遺症，更形容現時是牙痛加身痕。江嘉敏後來再更新動態，上載咗再去睇醫生相，醫生告知係藥物敏感導致出「風癩」，唔會有傳染性，不過需要再服用敏感藥，更形容一個月以嚟服食嘅西藥係整年嘅份量，並感謝朋友們的關心。如果按「財多身子弱」嘅理論嚟計算，明顯呢排江嘉敏撈得好掂啦！