處女大碟推出首日即獲金唱片陳凱詠望盡快開騷答謝fans

2021-06-26 22:15

環球唱片新貴陳凱詠（Jace）上月推出處女大碟《Processing》，今日Jace在唱片店舉行人生首個簽名會，獲近百名粉絲前來捧場，Jace見fans冒住大雨都到場力撐，便送上印有碟名Processing嘅手機殼表達心意。

她表示很開心新碟推出首日已經獲得金唱片銷量，成績令人驚喜！笑言曾想過叫親朋好友幫手買碟谷銷量，但已經有朋友說買不到Delux版，原來之前出的特別版限量1,000張已經賣完，也沒辦法留給朋友。

講到近百粉絲到唱片鋪支持她，Jace有啲感受：「以前做主播嘅時候，曾經喺呢度訪問做簽名會嘅歌手，𠵱家到自己被訪都好開心。開心之餘亦希望快點開騷答謝粉絲，不過喺疫情下開騷有啲困難，大家耐心等候，自己會趁機會準備新歌，歡迎大家提出意見。」