【ACE Talent初選】拎手機睇住歌詞獻唱　唐安麒狠批Hea爆參賽者冇禮貌

唐安麒博士日前以首席評審身份，現身《ACE Talent亞洲模特兒大賽香港賽區》初選，當日40名入圍參賽者即席進行才藝表演，當中18歲的小鮮肉王耀宏（Ivan）激似韓星金秀賢，憑住含羞的笑容及高挑的身形，再邊彈結他邊唱陳芳語的《愛你》，令現場空氣都充滿青春氣息，成功討得評判的歡心。至於12歲孖女參賽者Jaybie和Jaybo唱跳出色，亦令評判睇到拍爛手掌，極具明日之星風範。

不過，當日有個別參賽者並沒有好好準備，不單止背景音樂有原唱聲音，更邊唱邊拎住手機睇歌詞！該名參賽者於獻唱前說：「我唔係好熟隻歌，可唔可以拎住電話睇歌詞？」此話一出令氣氛跌至谷底，曾盛讚姜濤有禮貌和EQ的唐安麒仍保持氣量，待對方完成表演後才狠狠抨擊，她說：「操守同禮貌好緊要，參加比賽冇可能攞住電話睇歌詞，韓國人非常重視禮貌同態度，即使有才藝及外貌，冇禮貌一律OUT！」