【Juicy叮】連登仔call Uber被嫌遠 司機要求cut單遭拒掀罵戰

趕急時候街上找不到的士，不少人會選擇call Uber。近日有網民在討論區分享，指自己遇到一名司機接單後因所在地點遙遠而拒載，要求客人自行取消行程，惟網民反叫司機取消訂單時，惹來一連串的責罵。

網民在「連登討論區」發文，指自己某日凌晨1時許在油麻地叫車，司機接單後發訊息告知他，由於現時在荔技角，前往接他的路程比他坐車的路程更長，「接你一張短途即係白做」，故要求網民自行取消行程，「叫過部近啲嘅車」。

樓主表示理解司機的意思，遂請司機自行取消訂單。然而司機大感不滿，直斥網民自私，不斷罵網民只是考慮自己，沒想過司機的立場：「你呢啲人咪自私囉！有冇諗過我哋司機要用油，成本高，接你一張短途，加我過來接你要油錢，我即係白做」。

網民大感無奈，在帖文寫道：「要cancel 唔該你自己cancel張單，做返個負責任既人」、「有冇諗過作為乘客嘅我都夜媽媽響條街度等咗你10分鐘？」網民對於自己無車接送，反被司機責罵感到不解，呼籲大家不要助長此類司機行為。

帖文引起網民熱議，不少人認為司機自己拒載，更惡言相對，自私的是司機自己：「call車畀錢佢賺仲要無啦啦俾佢人身攻擊，又唔係你想，係個系統分配畀佢但係搵你嚟出氣」。亦有網民分享自身經驗，認為司機有理可言：「佢（Uber）又真係等你接左單先比地址你，我諗原理一樣，已派單就派比個係附近嘅司機或外賣仔，所以接左單踢單係會影響到接單率。」

亦有網民平衡現實考慮，作出情理兼備的分析：「好現實一樣嘢，當你程車短途5公里，佢賺得你30蚊，但要行成5公里嚟接你，前後10公里，當油錢1蚊先算啦，淨係油錢成本已經10蚊，即係唔計其他費用半個鐘賺你20蚊，於理係個司機錯，佢揀客；於情，要個司機蝕住做都唔好啦」。

資料來源：連登討論區