【Juicy叮】失魂外傭去錯醫院病房誤報家翁離世 網民嚇到險撞車

有僱主在「香港討論區」發文抱怨，失魂外傭去錯醫院的病房，結果誤報家翁「pass away 」（離世），僱主嚇到險撞車。

發文者指，平時外傭姐姐記性欠佳，日日都要寫便條、寫在白板上要做甚麽工作，現在難請外傭所以唯有忍忍忍。發文者指，家翁要入醫院做小手術，「印哂地圖，寫哂名同病房電話，叫阿工人拎副假牙畀佢，誰不知佢喊哂口打黎話sir pass away...嚇到我差啲撞車! 」

原來發文者叫外傭去醫院B5病房，「佢唔見咗我比佢張貓紙行咗去 D5，咁啱走咗位病人同老爺一樣姓...」。發文者無奈說「工人姐姐咁唔小心點搞呀？」。

有網民留言指，「我忍唔住笑咗, 係咪好黑心??」，有人戲言「可能姐姐想佢pass 好耐...」，發文者指，「平時老爺待佢不薄架...我老公笑到標眼水」

帖文轉載自《工人姐姐去醫院搵我老爺話佢 pass away?! 咁大整蠱》