【Juicy叮】為買500呎單位奉獻25年人生 港男嘆：唔知為乜

香港一屋難求，近日有男網民於討論區發文訴苦指，不想花費25年的寶貴的人生僅換取一個500呎單位，供完已50歲，回望轉頭勞碌逾20年只為供樓奔波，「一世人流流長，都唔知為乜」。

該名男網民於「連登討論區」發文訴說，指不想花費25年的人生換取一個單位，「買到個500呎單位，供完到時都50歲了」，並指一星期內有5日「朝九晚八」，每天辛勤工作只為供樓，「到50歲望返轉頭，都唔知自己一世人做過乜野，為咗自己做過乜野」。

樓主又慨嘆，偏偏生活就要逼人買樓，為了單位由250呎變500呎，簽一個名就犧牲了人生最珍貴的25年，「明知一簽咗名未來廿年都唔會點過得快活」，而且日後為了供樓，被上司責罵也只能吞聲忍氣，不能辭職，樓主不禁直言，「升到職返工賺10萬一個月又點，我寧願日日瞓到自然醒，食個早餐歎杯奶茶」，最後更大呻，「一世人流流長，都唔知為乜」。

帖文引起網民的熱論，有網民表示買樓總比當租客好，「租樓就好開心？唔可以賣？一定要供30年？睇住升完越換越大，越換越靚唔開心？」、「做20年的租戶替人供樓會更開心？」；有網民表示感同身受，「啱啱買咗樓幾日已經唔開心，覺得自己完全係高追咗入市，比其他盤嘅呎價仲要高啲。本身入市已經講緊用緊我好多年既人工，而家仲覺得自己買貴咗，完全無做業主嘅興奮」，亦有人認同樓主，指寧願賺少一點的錢，也不想追趕自己不想做的事。

資料來源：連登討論區