【Juicy叮】驚揭男友瞞已婚 港女慘變第三者：佢話結婚為買樓按揭

情侶之間貴乎坦誠，惟自己突然變成第三者，應如何處理? 一名女網民於討論區發文指，離婚後與現任男友交往至今已逾一年，未料近日男友竟向其坦白指，原來他已一早結婚，更稱當時只是為買樓按揭有優惠而結婚，如今對衝動的決定感到後悔，又指新樓首3年賣出要繳稅，故「佢話住幾年，先賣同離婚」，冀樓主可留在他身邊，事件引起網民熱論。

該女網民於「親子王國討論區」發文指，離婚後與現任男友交往至今已逾一年，去年因疫情問題，兩人甚少見面。未料樓主近日因打算與男友商討未來大計時，驚揭原來男友已一早結婚，男友向其坦白稱，「佢結婚係為買樓按揭，而層樓係未收，佢同「老婆」唔一齊住」，並強調對「老婆」無愛，冀樓主可留在他身邊。

樓主其後補充指，男友稱買樓時，「同事買樓做按揭再平啲，所以當初先無諗清楚就結婚」，更聲稱因該樓盤屬新樓，首3年賣出要繳稅，故「佢話住幾年，先賣同離婚」，並指對當初衝動的決定而感到後悔。因此當樓主向他談論未來大計時，「佢話都知遲早紙包唔住火，所以向我坦白，希望我接受」。

樓主坦言，在交往一年間，從未發現原來男友竟是「有婦之夫」，「出街拖手佢完全無避忌，社交帳號又完全無「老婆」蹤跡」，又透露「我係真心愛佢，想同佢過人世」，而男友亦表示待他完成收樓後，將「55分帳賣樓」兼與「老婆」離婚。面對突如其來的情況，樓主亦不知應如何是好，「係咪佢覺得我離過婚就好呃啲好玩啲？」、「我真係好崩潰」。

帖文引起網民的熱論，有網民表示樓主男友的解釋只是一則謊言，籲樓主應盡早分手，「為買樓借按揭而專登娶個老婆，然後過幾年分又分咗佢，咁嘅大話都講得出」、「盡早止蝕離場，而家短痛好過拖多幾年長痛」、「完全騙局！一定要離開，你繼續一齊只會係痛苦中等待痛苦，不會有好結果」，亦有網民建議，「買樓沽出避稅期係三年，你可以俾三年時間佢，期滿唔沽樓離婚即係佢講大話，到時你可心息」。

資料來源：親子王國