【傳婚變】在晴朗一天出發 苟芸慧手持粉紅太陽花自勉要向上
2021-07-04 19:30 
37歲苟芸慧(苟姑娘)最近被傳與47歲錫礦大王後人陸漢洋婚變，有傳苟芸慧已經搬離貝沙灣愛巢，同老公分居，外傳係兩人對生B意見上有分歧。苟芸慧雖然冇挺身澄清婚變傳聞，但她不時喺社交網站放相及片，分享正能量嚟自我打氣。
面對感情波折，似乎冇影響到苟姑娘心情，上周她四萬咁口出席樂易玲生日會，其後又相約朋友食飯談心，好有正能量。今日她又拍片分享生活日常，短片中着住清純白色衫，手持粉紅色太陽花束嘅苟姑娘，化咗個靚妝向晴朗一天出發，之後再補咗個花束及樣貌大特寫，她除咗望住鏡頭單眼放電外，仲露出誘人微笑，電力驚人呀！她留言：「Happy Sunday everyone #粉紅色#太陽花#星期日」苟姑娘成功呃唔少個Like及心心，也有網民提醒她要注意防曬，唔好曬親呀！
至於太陽花寓意自強不息，帶給人一種樂觀勇敢，唔知係咪苟姑娘為自己打氣，亦鼓勵大家唔好遇挫敗就倒下來。
關鍵字
最新回應