【Juicy叮】2歲少主與工人姐姐太親近 在職港媽呻：好心酸好妒忌

有不少雙職家庭都會騁請工人，幫助打理家頭細務及照顧子女。有女網民於討論區發文指，稱其2歲的兒子與工人姐姐過於親近，特別在半夜醒來時會首先找外傭，兒子十分依賴對方照顧，令該網民不禁直言，「作為阿媽我真係好心酸好妒忌」。

該網民於「親子王國」討論區發文，指其因工作關係，聘請外傭照顧年幼兒子。惟她發現兒子於2歲開始，「突然好痴工人」。樓主亦透露，每日下班後與丈夫已盡量趕回家中陪伴兒子。為了與兒子建立關係，除了晚餐外，兩人亦經常陪伴他，「沖涼、玩、講故事、『暗』瞓覺、飯後散步」，「放假都會3口子出街，唔會帶姐姐」，間中也會讓本身與姐姐同房的兒子到兩人的房間內一同睡覺。

惟最近兒子於半夜醒來時，都立即找工人姐姐，「嘗試過幾次半夜佢喊住搵姐姐時氹佢」、「同佢講姐姐瞓咗、放咗工，佢自己攬住公仔走出門口去姐姐間房拍門，坐地下等姐姐開門同喊到癲咗」。面對此情況，儘使她明白兒子非刻意與其疏遠，「當然知道姐姐對佢好(係縱) 先會咁」，但樓主坦言難以接受現實，「作為阿媽我真係好心酸好妒忌」。

樓主補充指，認為兒子與工人姐姐過於親近，皆因兩人同房睡覺，令兒子造成依賴，「我覺得畀佢同姐姐瞓好錯，但老公又話姐姐好辛苦冇得瞓，由佢。而家咪搞成咁囉，同我地訓都要搵返佢，當我無到」，她亦不禁慨嘆不知情況要何時才能改善，甚至一度情緒崩潰，「試過半夜自己一個人喺廳到喊」。

帖文引起網民熱論，有網民安慰樓主毋須過於介意，「樂觀諗證明姐姐對佢好好」、「唔使妒忌，慢慢大大就會跟返父母㗎啦，而且值得安慰嘅係，姐姐一定對佢好好佢先咁親姐姐嘅」，亦有網民分析指，「呢個年齡係會咁，只係依戀一個主要照顧者，容不下多一個。大啲會去另一個階段，就唔會咁，忍耐吓」。

資料來源：親子王國