組義工隊落區助長者申請消費券 黎瑞恩：幫到幾多就幫幾多

政府發放的5000元電子消費券於4日已經開始接受登記，雖然在網上登記過程簡單，不過對於長者而言，可能有一定的難度，有見及此，黎瑞恩組織義工隊落區幫手登記。

黎瑞恩昨日在facebook上載發文，她表示想到有不少公公婆婆未必懂得申請，於是忽發奇想不如組成義工隊幫助他們登記：「每次做義工，都會特別諗居住偏僻嘅老人家，諗吓諗吓不如租一部流動廣告車啦！可以畀公公、婆婆們好舒服咁上車慢慢登記同問嘢，義工又唔使曬到傻咗，咁都幾好喎。」

她特別感謝廣告車的老闆，事關對方獲悉事件後，全力支持兼費用全免：「嘩，我感動到眼淚都標埋出嚟呀，突然嗰刻覺得香港真係有好多有愛心人，真係太好喇！」經過3天的努力，差不多為700多位長者登記，她坦言：「雖然人數好似唔係好多，但幫到幾多就幫幾多啦，好多公公婆婆講：『我唔識字㗎，好彩有你哋！』深深感受到好多人係需要幫忙嘅。」