復出拍劇因為馬國明 商天娥讚係好老公：呢啲係湯小姐福氣

商天娥受訪電台節目《舊日的足跡》，她參演的TVB劇集《寶寶大過天》即將大結局，對劇集收視滿有信心的她說：「我6年冇拍劇，我係有信心嘅，因為朋友都話『餓』咗我嘅戲好耐。今次復出原因有二，一係戲癮；二係同馬國明有關。我識咗佢好多年，佢成日喺化妝間主動同我傾偈，娥姐前、娥姐後，我笑日日都見佢，爆show爆到七彩，係咪儲錢娶老婆？佢話希望買多間屋畀阿媽住，咁係咪代表依家嗰間留畀自己？哈哈，我唔可以代佢講嘢嘅。」
商天娥大讚馬國明觀察力强、心思細密，懂得以不同方式跟不同人溝通：「好似我個樣咁嚴肅嘅，佢都有本事同我傾到偈，即係佢睇得穿每一個人，所以我覺得呢個仔有佢自己安排同想法，佢直情係個好老公，我覺得呢啲係湯小姐（湯洛雯）嘅福氣。」

不少人把現時的《寶寶大過天》和年前的《BB來了》作比較，商天娥不以為然：「比較係正常嘅，咁先至有話題，我唔介意。我覺得每一個人都各有自己嘅忠實觀眾，有人鍾意（李）佳芯，我都好鍾意佢，但係香香（岑麗香）每一個位都係咁靚喎！」商天娥強調自己確實很愛演戲，希望未來可以演出更多好戲，亦無懼挑戰任何角色。