被追問與Renci婚期 張振朗口窒窒話：做晒啲嘢先啦

今天洪永城和梁諾妍結婚的大日子，不少圈中好友獲邀出席婚宴，向一對新人送上祝福，其中，張振朗與女友楊偲泳（Renci）首度公開現身，振朗緊張得口窒窒兼滴汗，反觀Renci淡定得多。振朗否認來取經，只是送上恭喜，問到何時到他成家立室？他說：「遲吓先啦！工作更重要。（有否計劃？）做晒啲嘢先啦！（會做得晒？）哎呀！大鑊喇！（求婚未？）Hey！都係做嘢先啦！」

笑稱今次是兩人拍拖後首度齊齊現身，他們笑說：「應該唔會有第二次啦！哈哈！我哋想低調啲！估唔到咁多傳媒呢！」Renci表示與Inez是朋友，無論如何也要來恭喜對於，笑指她表現較振朗淡定？振朗即冧爆說：「大方得體呀！」Renci亦指二人有共識是工作為先，笑問會否等振朗「做完嘢」結婚？她笑說：「睇吓點啦！」