為帶阿爺睇歐國盃決賽 Zac Efron自導自演短片《安老院捉走阿爺》

33歲的Zac Efron好搞鬼夾埋細佬Dylan Efron自導自演一段片，男角係Zac同佢住喺安老院嘅阿爺。歐國盃總決賽意大利對英格蘭前夕，Efron兄弟揸車去到安老院，戴咗口罩嘅Zac鬼鬼祟祟入去，仲偷職員嘅鎖匙咭，好似拍偵探片咁，貼牆而行，又翻筋斗搞到帽都跌埋，然後好易地就入咗阿爺間房，再將坐住輪椅嘅阿爺推上車，鬼馬爺爺見到安老院嘅人，仲做手勢示意咪多事。

被Zac形容擅長表演嘅爺爺一上車就飲可樂，然後鏡頭一轉就見到三爺孫坐喺沙發睇緊比賽嘞，全條片背景係播放電影《職業特工隊》 主题曲，好搞笑。