疑涉欺凌停工近半年 鉉辰「解凍」回歸Stray Kids

韓國男團Stray Kids早前參加男團競賽節目《Kingdom》奪冠之後人氣急升，連帶有唔少新工作，一眾成員更會出現在雜誌《W KOREA》8月號的內頁。成員分開兩組影相，又以海軍裝束示人，夠晒青春活力，不過數數吓人頭，點解有8個嘅？

原來係懷疑涉欺凌的21歲成員鉉辰終於蒲頭，佢上載親筆信認學生時期有辱罵同嘲笑同學，但就冇欺凌，今年2月開始停工反省。《Kingdom》冇晒影，仲以為鉉辰要再俾人雪多排，不過一眾網民強烈要求退團都退唔成，人氣成員果然係大晒。