【態度終軟化】雨僑為囡囡報Summer Camp：試咗好多平時俾唔到佢嘅嘢

雨僑在2018年與羅力威結婚並去年誕下女兒Harper，有女萬事足的雨僑，專注做KOL兼湊女工作，閒時在社交網分享和囡囡的生活點滴。不少父母為了令子女「贏在起跑線」，很早便為他們報讀學前班，讓他們早些適應，不過新手媽媽雨僑剛好相反：「其實我一直都唔覺得BB一定要返Playgroup，我哋有好多親戚朋友，我自己亦都有時間親自教佢，但因為疫情關係，呢兩年出世嘅BB真係見少好多人、睇少好多嘢，連樓吓會所個baby room都唔開嘅時候，日日喺屋企你又攞得出幾多實物教佢？」結果她不單為Harper報讀Play Group，還報了Summer Camp。

雨僑為Harper選擇了一個比較着重自由探索的summer camp，始終因為疫情問題仍然存在，所以雨僑在防疫措施方面當然未有鬆懈，不過始終囡囡只得一歲，戴口罩當然有點難度：「嚟到上課之前一星期，我哋仲未戴到口罩(任何方法都試過），始終佢一歲都未夠，我又唔想逼佢，但係事實係佢連帶頂帽都好難，同老師緊密聯繫之後佢哋叫我同佢戴住黎啦，如果除咗老師會幫佢帶返。幾經辛苦終於練成戴住出門口。」

雨僑續說：「結果今日佢開心到唔記得咗自己戴住頂帽呀，雖然課堂進行時唔可以影相，但係佢全程都玩到忘晒形，幾乎無擰過去後面搵阿媽，連玩水時要佢着保護衣都爭住着，平時食飯哎佢都唔肯着㗎嘛！今次呢個決定真係非常好！完全「打得響我個如意算盤」，成功俾佢試咗好多我平時俾唔到佢嘅嘢！」