Stanley兩「女友」同場 簡慕華親解不嘴之謎

簡慕華、「MIRROR嫂」李炘頤（Alina）、Luxi、「Tiger緋聞女友」余潔瀅（Zoe）及「Dee姐」陳海寧今日出席譚仔活動。最近與男友邱士縉（Stanley）共賦同居的Alina，自認是米線Fans，皆因二人不會下廚，更踢爆男友煎燶蛋，亦否認是「試婚」，只因住在離島不便返工，才搬出來住，加上Stanley工作忙碌，要爭取相處時間，幸同住也沒有嗌交。

Alina早前在網上發文疑暗寸公司幫Stanley推Job，她否認指公司對二人很好，今日能跟簡慕華一齊出席活動超開心，皆因一直想見真人，更自薦演出《大叔的愛》電影版，她說：「我唔想加入Stanley同Rachel嘅感情線，反而想拗直田田，為女士謀福利！」

簡慕華直認受《大叔的愛》帶挈，途人也叫她「Francesca」，不少商演及廣告也斟洽中，但未計過收入增幅，只望盡快開拍電影版延續氣勢，亦鐵定不會加片酬。簡慕華亦親解與Stanley在求婚戲中「不咀之謎」，她說：「導演投入到唔記得嗌Cut，但其實我們內心已經cut咗機，但又要演落去，惟有擁抱啦，等觀眾有幻想空間都係好事。」她又笑言Alina是「不咀因素」之一，Alina即大方指Stanley拍咀戲不用備案，任何人也都接受，自己也可大方拍咀戲。