感激「弓箭手們」冒雨支持 Archie：我真係好珍惜每一番鼓勵嘅說話

無綫選秀節目《聲夢傳奇決賽》已經完滿結束，所有獎項已經名花有主，五強止步的冼靖峰（Archie）昨日在社交平台撰文訴心聲，參加完《星夢傳奇》的賽後感，他坦言一切從報名開始：「上年我見到有application嘅時候，我其實猶豫咗一陣，直到有個中同whatsapp我半鬧半講咁話要我參加，我就死死地氣咁報咗名。入到去之後覺得自己完全冇勝算，因為對手好強，覺得自己都係算數了，但係一仆一碌咁入咗圍，我先聽到人講原來我哋15個各有特色，跟住我開始懷疑自己有咩好？」

Archie還說：「但係就係有一班人，幕後又好幕前又好、學員又好，用咗一年時間潛而默化咁話我聽，我係得！我先知原來自己有啲價值，亦都因為咁，我真係好珍惜每一番鼓勵嘅說話，相信冇你哋，我根本唔會行到去呢步，得我自己一個永遠都行唔遠，感激有你們！」

他更搞笑地留了一堆hashtag：「#幕後功臣們請自行對號入座吧 #感恩每個和我有過交流的人 #哪怕只是一個微笑一個點頭 #謝謝你們 #圖一是最能夠反映我在這一年的感受 #甜酸苦辣都可以是這個表情啊AHHAHAHAAHAHA #其他就求其擺下pose算了 #嚟緊繼續上路了 #請大家多多指教」此外，他在IG的限時動態亦貼上「弓箭手們」送給他的禮物，感謝他們冒着雨等自己！