【Juicy叮】兄失業母要求多付5千元家用 已婚港女需供樓拒絕遭斥不體諒
2021-07-24 12:41 
講錢傷感情！有港女大呻，哥哥2個月前失業，母親遂要求她多付5,000元家用；礙於港女正與丈夫一起供樓，便拒絕要求，卻竟被母親斥責欠人情味兼不懂體諒，令她心感不滿，認為母親偏心哥哥。
該名港女在「香港討論區」發文，指哥哥在兩個月前被公司裁員，之後一直「Hea住搵工」，母親知道他現時沒有收入，無法交出家用，竟要求樓主多付5,000元家用。樓主對此感到不滿，直言已婚的自己「有頭家」，加上正與丈夫一起供樓，沒有「多餘錢拎出嚟」。
不過，母親聞言後卻完成不接受，更斥責樓主欠人情味、未有體諒哥哥的處境，「佢（母親）聽到就話我冇人情味，明知阿哥冇工返，都唔主動去幫佢交家用，一啲都唔體諒阿哥」。母親又力數哥哥「點好點好」，認為「做阿妹要體諒佢而家嘅環境」。
樓主透露，哥哥一直不肯放下身段求職，不知道他何時才找到工作，又指從小到大，母親都較疼錫哥哥，批評母親偏心，「咩道理？阿哥嗰份我點解要畀？如果佢（母親）唔係咁偏心，我都會考慮吓，我最唔舒服個位係話我唔自覺幫阿哥畀埋家用。而家佢日日煩我，我就嚟黐線！」
不少網民看完帖文後，都紛紛同情樓主的經歷，有人更批評樓主母親不應單靠子女供養，著樓主「企硬」，「以香港過去40年的經濟發展，一個人去到60歲要靠仔女養，知唔知醜的？」；有人認為樓主哥哥應承擔責任、積極搵工，「這些是你哥的責任，冇工返都要自己搞掂佢。不用幫」、「問題在阿哥身上，交返個波畀佢」。
不過亦有網民指，樓主作為子女，理所當然有責任供養父母，認為樓主只是在找藉口拒絕，「家陣每個月畀$5千，唔係$5萬，出街食少餐飯，買少幾套衫，再唔係，一星期去做一兩日兼職都有，唔好講到冇能力畀」、「你當佢哋係父母就應該畀」。
資料來源：「香港討論區」
最新回應