代發哥解釋拒行山友合照 盧海鵬：打大赤肋跑緊就唔影啦

盧海鵬（鵬哥）出席派褔袋活動，他透露每日跟周潤發（發哥）及一班跑步朋友一齊跑山，每朝5點起身，發哥則6點前來接他。他說：「個個都跑得唔快，一定係慢跑，天氣熱出身汗都無所謂，發仔教我哋有方法、步伐、呼吸有節奏，起碼跑一個鐘，最少跑3公里，有時會5公里。」
本身有腳患的鵬哥，坦言跑山後醫好腳痛，由有腳痛跑到無腳痛，跑完個個有份獲得發哥出手鬆骨，更大讚發哥手勢一流。提到有網民指行山時遇上發哥被拒絕合照，鵬哥說：「打下招呼啦！相就唔影，我哋打大赤肋跑步，係人食緊嘢都唔影啦！發哥無話拒絕，跑緊就唔影啦！」
快將80歲的鵬哥，表示不會特別搞生日慶祝，都是跟跑友做完運動後簡簡單單吃飯，亦會拍照留念，又指發哥收藏不少靚相機，經常為他們操刀影相，十足隨團攝影師。此外，鵬哥透露稍後會參演一部以反貪污廉政題材的電影。