網民激讚好波　 張繼聰騷肌「胸」走色情廣告

由於藝人的社交平台Followers人數眾多，故吸引不少人在Po下留言乘機作宣傳，當中不乏色情廣告，例如一些頭像為索女的用戶聲稱：「觀看我的視頻，我有資格成為成人電影明星嗎？」、「如果您不希望内褲弄濕，請不要看我的手Ｘ視頻」、「相信所有台北人看完我的視頻都會自Ｘ」等，內容甚為露骨！不時收唔少這類留言的張繼聰（阿聰），一直都採取無視的態度，直至昨晚他終於頂唔順爆Seed，在IG貼出一張赤膊晒脹卜卜胸肌圖，並留言：「麻煩你班機械人唔好再喺度留言，又胸吖又18歲吖又夠膽就睇你IG吖又剩，唔駛（使用再留言，我自己有。」

此Po一出，成功杜絕色情廣告之餘，更引來一班網民及圈中好友爆笑兼讚口不絕，太太謝安琪表示：「恭喜恭喜，你今個post戰勝了機械人。」蔣家旻則謂：「（胸）仲大過佢地（哋）、結實過佢哋tim。」不少網民亦笑指：「點解真係冇咗啲留言嘅」、「好似真係比你嚇走晒」、「好波」、「說好的18歲呢？」等。