【東奧型男】韓國靚仔球星鄭勝元 零死角冇黑圖最重要冇女朋友

韓國國家足球代表隊、24歲的鄭勝元出戰東京奧運，靚仔外貌迷倒一眾櫻花妹，消息更傳回韓國，登上韓國論壇熱門搜尋！他現時效力於韓國大邱FC，在隊中踢前鋒的鄭勝元2016年已於球壇亮相，更被暱稱為「足球界臉蛋天才」及「大邱Idol」。韓國隊今日踢分組比賽亦狀態大勇，在B組以6比0成績大勝對手洪都拉斯。

韓國網友形容鄭勝元：「比賽照片還以為是青春韓劇才會出現的場面」，他戰勝新聞圖「照妖鏡」，一張炒車相都冇。而當地不少網民都好關心鄭勝元感情狀況，據知他未婚兼單身，令一班韓妹絲打相當興奮！其IG亦隨即被翻出，現時已經超過57萬Fans喇！