【一餐半餐】為演唱會瘋狂戒口操肌 釗峰完騷滋味食薯條

男子組合C AllStar成員梁釗峰、陳健安（On仔）、吳崇銘（King）及何建曦（Jase）於2017年宣布休團，之後四子各自發展，今年組合重組再踏紅館舉行一連兩場《C AllStar集合吧演唱會2021》，首場嘉賓有林家謙尾場有ERROR，跟得非常貼。

唔只請嘉賓夠In，歌都揀得好，就係選唱人氣男團MIRROR的《IGNITED》，成員釗峰與On仔獻唱時被扯爛衫騷肌，掀起全晚高潮。要騷肌事前當然要操，食得清仲要做好多運動，釗峰開完騷自然鬆一口氣，「演唱會後。。。。薯條漢堡日🤪✌🏼」Hashtag 放過我啦同一餐半餐。

老友馮允謙留言鼓勵佢食多啲。見釗峰食薯條嘅滋味樣，有啲肚餓添。