【神秘人揭盅】 黎明公開與張敬軒8秒預告片 網民：一地玻璃鏡碎

剛完一連9場紅館演唱會的黎明，最近又有新搞作，日前在社交平台上載一張「Lai x ??????」及26個英文字母的照片，並留言寫道：「究竟我同邊個合作？？？估到邊6個英文字母組合，送你Clips（正在諗緊點送好，度度度緊…）」。大批粉絲留言表示好大機會是「MIRROR」，因為英文字母剛巧6個字，但亦有人反應Leon跟MIRROR合作，表示：「我呢世淨係鍾意黎明你一個㗎咋」、「12個MIRROR都無一個Leon咁吸引」。

Leon今日終於將神秘人身份揭盅，原來是張敬軒！「Lai」是姓氏，問號代表亦是代表姓氏，寫道：「度度度掂！稍移玉click 去 inbox 我輸入Cheung 或 Lai，便可分別獲得 clip to you。」而click入兩個不同名字，便有兩條預告短片，分別只有8秒和9秒。片中帶有懷舊味道，一開始已有花火，還有軒仔的剪影和Leon官仔骨骨的靚仔look，寫著：「OLD FASHIONED」。不少網絲都表示好期待二人的合作，亦有人留言：「呢鑊仲唔一地玻璃（鏡碎）!!」