三個月冇落水 張震嶽被水母螫傷隻手腫晒

因為疫情，張震嶽留家抗疫好耐，但久不久都會去行吓山踩吓單車，又或者孭埋個仔，揸架旅遊車去附近嘅溪澗坐吓，今日終於去咗玩水，足足三個月冇落過水，但呢次落水令佢好難忘。

聽吓佢點講，「一下水被水母刺的亂七八糟，我以為我可以忍，但也太痛了吧，不誇張下水半小時受不了上岸，一摸，哇操，腫一大片，猜一種植物….藤，不好笑。」睇傷勢的確又紅又腫，隔住張相都覺得有啲痕。