朱豔強十月開兩場「回歸騷」　少爺占聞優先飛火速訂爆：好邪

少爺占在廣播劇中的同性戀角色「朱豔強」（YimYim）深受聽眾歡迎，繼2014年舉行《少爺占朱豔強口口笑長長99》棟篤笑後，相隔7年，今年10月YimYim將再度回歸！YimYim於6月中於IG宣佈，應一眾粉絲要求大搞復出活動，一直稱未搵到場地及贊助的他，上月12日仍出Po表示「可能今年真係無緣見面」，上周（28日）忽然公佈喜訊指：「……要搵場地真係唔係咁easy，不過好彩今次呢個場地有個隱形自基人嘅負責人，再加澤佳暗中搵朋友幫手（我覺得係），終於搵到今次演出嘅場地，而家正式公佈…」日前，內部優先訂飛網亦已開通，《朱豔強　自己一條Show》（暫名）將於10月22至23日假灣仔修頓場館舉行，票價為680元港幣。

雖然內部訂票下周一（9日）才截止，但今日YimYim已於IG透露：「好邪，連show名都未有，優先飛可以爆兩場；連拍咩都唔知，一堆BoyBoy報名幫手MV演出，YimYim真係愛死你哋丫😘！」少爺占亦於IG驚嘆：「原來真係有一班人乜資料都唔知，但係因為支持豔強而神秘優先訂爆兩場飛，好邪！」並謂YimYim新歌《BOY BOY》下周一叱咤樂壇首播，MV則於下周三（11日）在YouTube上線。