溜冰跣低後腦落地頭暈作嘔 張名雅嚇壞急送囝囝入院檢查
2021-08-07 20:30 
前港姐張名雅近日體驗到「養兒一百歲，長憂九十九」，事關育有兩子的她，4歲的大仔Mario近日溜冰時意外撞親頭，原本以為沒有大礙，之後他卻出現頭暈作嘔，嚇壞媽咪張名雅，急急送兒子入醫院檢查。Mario出報告後一切正常，張名雅放下心頭大石，昨日（6日）在社交網吐露心情，表示自己一臉倦容，只睡了兩個多小時，又感謝父母一直幫手協助，她留言：「阿仔，我今次真係畀你嚇親。好彩無事，多謝大家嘅問候同支持。」
張名雅交代囝囝跌親的事發經過：「暑假嘛，就畀佢上下佢自己鍾意嘅堂，玩下溜冰，點知一下後腦落地，當堂巨響。返到屋企佢話頭暈，個人又軟晒，呆呆滯滯仲要嘔！同佢立刻去醫院檢查、照腦，一停車都未到門口，我已經開門跑過馬路叫醫生幫，好似拍劇咁，淚水都湧下來，真係嚇壞我！ 好彩MRI出報告一切正常。真係養兒一百歲長憂99，你哋兩兄弟唔好再嚇咪咪啦，唔該晒！」 不少網民向張名雅兩母子送上祝福「冇事就好！」
關鍵字
最新回應