老公拎相簿搵Anson Lo簽名 駱胤鳴：懷疑佢先係「神徒」

眾所周知「SIS樂印姊妹」的駱胤鳴本身是Anson Lo的fans，在結婚當日，她的姊妹團安排一對新人與Anson Lo隔空「合照」，當時網民笑言要求新婚老公的心理陰影面積！昨日駱胤鳴又在社交平台「晒命」，她貼了老公與Anson Lo的合照並說：「話說我老公（唔係前夫）終於都訪問到Anson Lo，我當然有話去接收工啦，而我老公當然亦都嚴厲拒絕咗我啦，為咗氹返老婆嘅彬臣做咗一件尷尬過坤哥嘅事，佢拎咗我本AL相簿畀Anson Lo本人簽名。」

接着她分享老公與「教主」的對話：「老公：『我老婆好鍾意你，所以我今日呢身嘅裝扮都係佢幫我精心安排，我結婚後第一次剪頭髮，佢就send咗你張相俾我髮型師…』、Anson Lo：『唔好意思呀…』、老公：『可唔可以同我合照俾我老婆睇呀？』（驚老婆唔信，以為係搵波盛簽）返到屋企威咗成晚嘅彬臣，不停分享自己嘅經歷，又話公司啲女同事好瘋狂，又話Anson Lo真係好有禮貌，仲要好慈父咁加咗句點評：『同佢傾偈feel到佢係一個好善良嘅人』，Well，你唔抗拒，我都好開心。不過你比我更開心，我開始懷疑你先係神徒。」有網民留言：「你前夫真的好好啊！羨慕佢又羨慕妳啊，教主真係好正！」不過駱胤鳴回覆：「仲係老公！」